Tum Se Kiya Kahein Jaanaa

Zindagi k meyley mein,,khowahishon k reley mein

Tum sey kiya kahein jana,,is qadar jhameley mein

Waqt ki ravani hai,,bakht ki girani hai

Sakht bezamini hai,,sakht laamakani hai

Hijr k samandar mein

Takht aur takhtey ki eik he kahani hai

Tum ko jo sunani hai

Baat go zara si hai

Baat umer bhar ki hai

Umer bhar kii baatein kab do ghari mein hoti hain

dard k samandar mein

Ungenat jazeerein hein,beyshumaar moti hain

Aankh k jazerey mein tum ne jo sajaayaa thaa

Baat us diye ki hai

Baat us giley ki hai

Jo lahuu ki Khilvat mein chor ban k aataa hai

Lafz k fasilon par---Tuut tuut jaata hai

Zindagi se lambi hai baat rat_jage ki hai


Raaste mein kaisey milein baat takhliye ki hai

Takhliye ki baaton mein guftaguu izaafi hai

Piyaar karane waalon ko eik nigaah kaafi hai

Ho sake to sun jaao eik din akeley mein

Tum se kiya kahein jaanaa

is qadar jhameley mein. . .

"Mohabbat Tor Sakti Hai"

Koi Zanjeer Ho Usko Mohabbat Torr sakti hai

Jidhar Chahe ye Bagein Zindagi ki Morr Sakti hai

Mohabbat Rok Sakti hai Kisi Girtey Sitarey Ko

Kisi Jaltey Shararey Ko , Fana Kay Shuaarey ko

Ye Chikna Chour Aaenay Ki kricheian Jorr Sakti hai

Koi Zanjeer Ho, usko Mohabbat Torr sakti hai

Muhabbat Per kisi bhi Rasm ka Pehra nahi chalta

Kisi Aamr ,Kisi Sultan ka Sikka nahi Chalta

Ye her Zindaan Ki Aandhi Salakhein Torr sakti hai

Koi Zanjeer Ho Usko Muhabbat Torr Sakti hai

Ye Jab chahey Kisi Bhi khowab ki Tabeer Mil Jaye

Kisi Rastey mein Raasta Poochti ,Taqdeer Mil jaye

Samey kay Taiz Dharoon ko Ye pichey Chorr Sakti hai

Koi Zanjeer Ho , Uss ko Muhabbat Torr Sakti hai

''Ghazal''

Bhier mein ik ajnabi ka samna acha laga

sab se chup kar woh kisi ka dekhna acha laga

Surmai aankhon k niche phool se khilne lage

kehte kehte kuch kisi ka sochna acha laga

Baat to kuch bhi nahi thi lekin us ka ek dam

hath ko honton pe rakh kar rokna acha laga

Chay main chini milana us ghari bhaya bohat

zer-e lab vo muskurata shukriya acha laga

Dil main kitne ahad bandhe the bhulane ke use

woh mila to sab iradey torna acha laga

Beirada lams ki woh sansani pyari lagi

kam tawajjo ankh ka woh dekhna acha laga

Nim shab ki Khamushi main bhigti sarkon pe kal

teri yadon k jalo main ghumna acha laga

Us udu-e-jan ko 'Amjad' main bura kaise kahun

jab bhi aya samne woh bewafa acha laga

"Sada sey chehrey per"

Sada sey eik chehrey per kiya jadouger si aankhien hein!!

Jo deikhey in ka ho jaey

Jo utrey woh thah na paey

Kitney sapney jag rahey hein

In palkon k saey saey

Shama-e-seher si,chara ger si,nama ber si aankhein hein!!

Anjani pehchani bhi

Apni aur beygani bhi

Eik he manzer ka hissa hein!!

Aks bhi aur heyrani bhi

Sahil jaisi lagti hein woh aur bhanwar si aankhein hein

Sada sey eik chehrey per kiya jadouger si aankhien hein!!!!!

Shaeir

Kaisey kareeger hain ye!

Aas k darakhtoon sey

Lafz kat'tey hein or seerhiyaan banatey hein

Kaisey ba-hunar hein ye!

Gham k beej botey hein

Aur diloon mein khushiyoon ki kheytiyaan ugatey hein

Kaisey charager hein ye!

Waqat k samander mein

Kashtiyaan banatey hein,aap doob jatey hein. . .

Khush Nigah Si Aankh

Kisi Khush Nigah Si Aankh Ney. . .

Kisi Khush Nigah Si Aankh Ney Ye Kamal Mujh Pey Karm Kiya

Meri Loh-e-jaan Pey Raqam Kiya

Woh Jo Eik Chand Sa Hurf Tha,Woh Jo Eik Shaam Sa Naam Tha

Woh Jo Eik Phool Si Baat Phirti Thi Dar Badar

Usey Gulistan Ka Pata Diya. . .

Mera Dil K Shehr-e-malal Tha,Usey Roshni Mein Basa Diya

Meri Aankh Or Khouwab Ko Kisi Eik Pal Mein Beyham Kiya

Merey Aaeinoo Pey Jo Gard Thi Mah-o-saal Ki

Woh Utar Gae. . .

Woh Jo Dhundh Thi Merey Char So,Woh Bikhar Gae

Sabhi Roop Aks-e-Jamal K

Sabhi Khouwab Shaam-e-wisaal K

Jo Ghubaar-e-waqt Mein Sar Basar They Atey Howey

Woh Chamak Uthey. . .

Woh Jo Phool Rah Ki Dhool They,Woh Mehek Uthey,

Ley Saat Rang Bahar K

Chala Main Jo Sang Bahar K!!

To Saja Diye Sabhi Rastey,

Kisi Dast-e-shoubda Saz Ney

Merey Naam Per,Merey Wastey,

Meri Bey Ghari Ko Panah Di,Meri Justuju Ko Nishan Diya

Jo Yaqeen Sey Bhi Haseen Hai Mujhey Eik Aysa Guman Diya,

Woh Jo Reyza Reyza Wajoud Tha,

Usey Eik Nazar Mein Beyham Kiya. . .

Kisi Khush Nigah Si Aankh Ney,

Ye Kamal Mujh Pey Karam Kiya!!!

Mousam Acha Hai. . .

Rang dhanak ney bikhraye hein,mousam acha hai

Gaye zamaney yaad aaye hein,mousam acha hai

Aankhein,chehrey,khushbou,waadey,aansou,yaadein,phool

Aik aik ker k loat aaye hein,mousam acha hai

Shaam-e-shafaq ki sair bahaney tum bhi aajao

Dosat puraney sab aaye hein,mousam acha hai

"MOHABBAT"

Mohabbat Oos Ki Surat

Piyaas Pankhari k Hont Ko Seyraab Kerti Hai

Gullon Ki Aastinoo Mein Anokhey Rang Bharti Hai

Sehar K Jhatpatey Mein,Gungunati,Muskurati,Jagmagati Hai

Mohabbat K Dinoo Mein Dasht Bhi Mehsoos Hota Hai

Kisi Firdous Ki Surat

Moubbat Oos Ki Surat!!

Mohabbat Ab'ber Ki Surat

Diloo Ki Serzameen Pey Ghir K Aati Or Barasti Hai

Chamen Ka Zr'ra Zr'ra Jhumta Hai,Musksrata Hai

Azal Ki Bey-namo Matti Mein Sabza Sar Uthata Hai

Mohabbat Un Ko Bhi Aabaad or Shadaab Kerti Hai

Jo Dil Hein Qaber Ki Surat

Mohabbat Ab'ber Ki Surat!!

Mohabbat Aag Ki Surt

Bujhey Seenoo Mein Jalti Hai To Dil Beydaar Hotey Hein

Mohabbat Ki Tapish Mein Kuch Ajb Israr Hotey Hein

K Jitna Ye Bharakti Hai,Uroos-e- jan Mehekti Hai

Dilon K Sahil Pey Jama Hoti or Bikharti Hai

Mohabbat Jhaag Ki Surat

Mohabbat Aag Ki Surat!!

Mohabbat Khowab Ki Surat

Nigahoo Mein Utarti Hai Kisi Mehtab Ki Surat

Sitarey Aarzoo K Is Tarha Sey Jagmagatey Hein

K Pehchani Nhi Jati Dil-e-beytaab Ki Surat!

Mohabbat K Shajar Per Khowab K Panchi Utartey Hein

To Shakhein Jaag Uthti Hein

Thakey Harey Sitarey Jab Zameen Sey Baat Kertey Hein

To Kab Ki Muntazir Aankhoo Mein

Shamein Jaag Uthti Hein

Mohabbat Un Mein Jalti Hai chiragh-e-aab Ki Surat

Mohabbat Khowab Ki Surat!!

Mohabbat Dard Ki Surat!

Guzishta Mousmoo Ka Isteyara Ban K Rehti Hai

Shan-e-hijar Mein ,Roshan Sitara Ban K Rehti Hai

Mundair Per Chiraghoo Ki Lawein Jab Thatharati Hein

Nagar Mein Naumeedi Ki Hawaein Sansanati Hein

Galli Mein Jab Koe Aahat,Koe Saya Nahi Rehta

Dukhey Dil K Liye Jab Koe Bhi Dhoka Nahi Rehta

Ghamoo K Bojh Sey Jab Tootney Lagtey Hein Shaaney To

Ye Un Pey Hath Rakhti Hai

Kisi Hamdard Ki Surat!!

Guzar Jatey Hein Sarey Qafley Jab Dil Ki Basti Sey

Fiza Mein Tairti Hai Dair Tak

Ye Gard Ki Surat,

Mohabbat Dard Ki Surat!!!

MOHABBAT AISA DARYA HAI

Mohabbat Aisa Naghma Hai

Zara Bhi Jhol Ho Ley Mein

To Sur Qaeem Nahi Hota. . .

Mohabbat Aisa Shoula Hai

Hawa Jaisi Bhi Chalti Ho

Kabhi Madham Nahi Hota. . .

Mohabbat Aisa Rishta Hai

K Jis Mein Bndhney Walon K

Dilon Mein Gham Nahi Hota. . .

Mohabbat Aisa Pouda Hai

Jo Tab Bhi Sabz Rehta Hai

K Jab Mousam Nahi Rehta. . .

Mohabbat Aisa Rasta Hai

Agar Payron Mein Larzish Ho

To Ye Mehram Nahi Hota. . .

Mohabbat Aisa Darya Hai

K Barish Routh Bhi Jaey

To Pani Kam Nahi Hota. . .

ZARORI NAHI HAI

Zarori nahi hai

Jo sahil ki gilli khunk rait per

Hath mein hath dey ker

Safer or talatam k qissey sunnaey

Jazeron,hawaon or undaikhey mosam

Or aankhon sey oojhal kinaron pey bikhrey

Huwey manzaron,zaiqon or rangon ki batien karey

Woh in wardaton sey guzra bhi ho

Ger kahey,aao hum in pareshan mojon ka peecha karein

Jo terey or merey paon ko chumti hein

Talatam ki bey naam manzil sey guzrien

Ye daikhein hawaen kisey dhondti hein

TO chalney sey pehley zara soch leyna

Zarori nahi hai

Jo undaikhey raston ki khabrein sunnaey

Woh un raston ka shanasa bhi ho

Kahein ye na ho jo samander mein tum us ko dhondo

To woh

Sahilon pey khara muskurata rahey!!!!!!!

salam

Hawaon,us ki glli sey guzro to us ko mera salam kehna,,

Mujhey khaber hai k merey ghar sey guzarney wali hawa ka rasta,,

Tumharey ghar tak nahi giya hai. . .

Salam mera tumharey kaano sey narsa hai. . .

Main janta hon,yeh bachpana hai, , ,

Magar Haqiqat ko jan ker bhi na janney mein ajab maza hai. . .

Hawa sey main ney yeh phir kaha hai!!

"Guzar rahey hein tumhari yadon k dam sey he subha shaam kehna"

Hawaon,us ki glli sey guzro to us ko mera salam kehna,,

Tumharey ghar ka kisey pata hai,hawa k rukh ki kisey khaber hai??