GHAZAL

Woh dil ka bura,na beywafa tha
Bas mujh say yun he bicharr giya
Lafzon ki hadon say mawra tha
Ab kis say kahon woh shakhs kiya tha?
Woh meri ghazal ka aaena tha
Her shakhs ye baat janta tha
Her simt usi ka tazkira tha
Her dil mein woh jaisay bas raha tha
Main uski "ana" ka aasra tha
Woh mujh say kabhi na rothta tha
Main dhoop k ban mein jal raha tha
Woh saya-e-aber ban giya tha
Aik baar bicharr k jab mila tha
Woh mujh say lipat k ro para tha
Main banjh ruton ka aashna tha
Woh mosam-e-gul ka zaiqa tha
Kiya kuch na usay kaha giya tha?
Us ney to labon ko c liya tha
Woh chand ka humsafar tha shayed
Raaton ko tamaam jagta tha
Honton mein gulon ki narm khushbo
Batoon mein to shehed gholta tha
Kehney ko juda tha mujh say kekin
Woh meri ragon mein gunjta tha
Us ney jo kaha,kiya wo dil ney
Inkaar ka kis mein hosla tha
Yun dil mein thi yaad us ki jaisay
Masjid mein chiragh jal raha tha
Mat pucho hijaab k qareeney
Woh mujh say bhi kam he khul saka tha

Us din mera dil bhi tha pareshan
Woh bhi merey dil say kuch khafa tha
Main bhi tha dra hoa sa lekin
Rang us ka bhi kuch urra urra tha
Aik khouf sa hijar ki ruton ka
Dono pey muheit ho chala tha
Aik rah say main bhi tha gu.rezan
Aik morr pey woh bhi ruk giya tha
Aik pal mein jhapak gae jo aankhien
Manzer he nazar mein dosra tha

Socha to they.her gaey zamaney
Daikha to woh dor jachuka tha
Qadmon say zameen sirak gae thi
Suraj ka bhi rang sanwla tha
Chaltey howey loog ruk gaey they
They.ra howa sheher ghumta tha
Sehmey howey pairr kanptey they
Paton mein hiraas rengta tha
Rakhta tha main jis mein khuwab apney
Wo kanch ka ghar chatakh giya tha

Hum dono ka dukh tha aik jaisa
Ehsaas magar juda juda tha
Kal shab woh mila tha doston ko
Kehtey hein udaas lag raha tha

Mohsin yeh ghazal he keh rahi hai
Shayed tera dil dukha howa tha...