MOHABBAT AISA DARYA HAI

Mohabbat Aisa Naghma Hai

Zara Bhi Jhol Ho Ley Mein

To Sur Qaeem Nahi Hota. . .

Mohabbat Aisa Shoula Hai

Hawa Jaisi Bhi Chalti Ho

Kabhi Madham Nahi Hota. . .

Mohabbat Aisa Rishta Hai

K Jis Mein Bndhney Walon K

Dilon Mein Gham Nahi Hota. . .

Mohabbat Aisa Pouda Hai

Jo Tab Bhi Sabz Rehta Hai

K Jab Mousam Nahi Rehta. . .

Mohabbat Aisa Rasta Hai

Agar Payron Mein Larzish Ho

To Ye Mehram Nahi Hota. . .

Mohabbat Aisa Darya Hai

K Barish Routh Bhi Jaey

To Pani Kam Nahi Hota. . .

WADA

Bhari duniya k meyley mein

Agar hum kho bhi jaein to

Tumhein dil sey bhuladein or

Paraey ho bhi jaein to

Younhe thak har ker hum mond lein yeh muntazir aankhein

Sabhi Chiragh gull ker k agar hum so bhi jaein to

Merey dil ki ye dharti jis ko banjer ker gaey ho tum

Wafa k beej is mein loog aaker bo bhi jaein to

Bhari mehfil mein hans hans k bharm rakhein mohabbat ka

Magar tanhae mein aanso ye daman dho bhi jaein to

Hamein sab loog pather ki trha thoker lagaein or

Tumharey naam pey mashhor pagal ho bhi jaein to

Ye yaad rakhna jaan-e-gull

Tujhey hum younhe chahein gey

Kabhi na bhool paein gey!!!!

EIK DUA FOR MY MOTHER

AY  KHUDA 

DIL O DIMAGH  KI  HER  TEH  SEY 

YEHI  DUA  NIKALTI  HAI

K  MERI  "MAA"  KA  SAYA

MEREY  WAJOUD  KO  TAH-HAYAT

ISI  TRHA  ROSHAN  KARTA  RAHEY  K  JIS  TRHA 

TO  APNI  REHMATON  K  SAAYE  TALEY

IS  DUNIYA O JAHAN  KO  ROSHAN  KARTA  HAI..

                                                                         (aameen)

LOAT K AAO

Kabhi Tum Loat K Aao 

Mujhey Bas Itna Samjhao

Kahan Sey Seikh Li Tum Ney

Adaa Mujh Ko Bhulaney Ki

Tumhein Mujh Sey Shikwa Tha Ya

Koe Bhi Shikayet Thi

Zehmat To Zara Si Thi

Na Ki Koshish Bataney Ki

Bhalla Yon Chorr K Apna

Koe Apno Ko Jata Hai

Musalsal Dukh Ki Barish Mein 

Jeevan Bhar Rulata Hai

Abhi To Rait Gilli Hai 

Abhi Sab Naqsh Baqi Hein

Gaye Qadmon Mein Loat Aao

Mujhey Bas Itna Samjhao

Kahan Sey Seikh Li Tum Ney 

Adaa Mujh Ko Bhulaney Ki........

ZARORI NAHI HAI

Zarori nahi hai

Jo sahil ki gilli khunk rait per

Hath mein hath dey ker

Safer or talatam k qissey sunnaey

Jazeron,hawaon or undaikhey mosam

Or aankhon sey oojhal kinaron pey bikhrey

Huwey manzaron,zaiqon or rangon ki batien karey

Woh in wardaton sey guzra bhi ho

Ger kahey,aao hum in pareshan mojon ka peecha karein

Jo terey or merey paon ko chumti hein

Talatam ki bey naam manzil sey guzrien

Ye daikhein hawaen kisey dhondti hein

TO chalney sey pehley zara soch leyna

Zarori nahi hai

Jo undaikhey raston ki khabrein sunnaey

Woh un raston ka shanasa bhi ho

Kahein ye na ho jo samander mein tum us ko dhondo

To woh

Sahilon pey khara muskurata rahey!!!!!!!

KHOUF by Ahmed Faraz

Jala k tu bhee agar aasra na day mujhko

Yeh khouf hai k hawa phir bujha na day mujhko

Main is khayal say mur mur k daikhta hoon usay

Bichar k woh bhi phir sada na day mujh ko

Isi khayal say shab bhar main so nahi saka

K khouf-e-khwab-e-guzishta jaga na day mujhko

Teray baghair bhi teri tarah main zinda rahoon 

Yeh hosla bhi dua ker khuda na day mujhko

Main is liay bhi usay khud manaonga "faraz"

K mujh say roothnay wala bhula na day mujhko